شرح انواع الضرائب في مصر حيث تعتبر مصر من الدولة التي تتعد فيها انواع الضرائب بشكل كبير وفي هذا المقال سوف نشرح انواع الضرائب المصرية بالكامل ان شاء الله

تعريف الضرائب في مصر بشكل عام

 

ما هي الضرائب ؟

الضرائب هي عبارة عن مبالغ يتم دفعها للحكومات في الدول والتي تعتبرها الحكومات  حق من حقوقها مقابل الخدمات المختلفة التي تقدمها للمواطنين سواء شركات او افراد مثل الخدمات العامة المختلفة كالطرق والكباري والمستشفيات وكذلك اعطائك حق ممارسة النشاط التجاري الخاص بك كشركة والاستفادة من الخدمات العامة وتحقيق الارباح .

ولذلك تفرض الحكومات انواع ضرائب مختلفة سواء ضرائب علي الشركات او ضرائب علي الافراد وتعتبر الضرائب في مصر مصدر دخل رئيسي للحكومة وكذلك في معظم دول العالم تمثل الضرائب النصيب الاكبر من الدخل القومي للبلاد .

– ما هي انواع الضرائب في مصر ؟

هناك انواع ضرائب عديدة في مصر سواء ضرائب علي الافراد او علي الشركات ويمكن تقسيم انواع الضرائب في مصر الي:

أ / انواع الضرائب على الافراد في مصر :

اشهر انواع الضرائب علي الافراد في مصر :

1- ضريبة الدخل : وتعتبر ضريبة الدخل من اشهر الضرائب المطبقة علي الافراد وهي تمثل الضرائب المقتطعة من دخل الافراد ( مثل المرتبات وما في حكمها .
2- الضرائب العقارية : ايضا تعتبر الضريبة العقارية علي الافراد من اشهر انواع الضرائب علي الافراد , وتطبق الضريبة العقارية علي الاراضي والمباني والعقارات التي يمتلكها المواطن بكافة اشكالها .
3- الضريبة على التركات : الضريبة التي تدفع التركة او الثروة .
4- ضريبة المهن الحرة : الضرائب التي تحصل من اصحاب المهن الحرة (المهن الحرة مثل الحداد ، النجار ، السباك ، مصمم جرافيك ، الدكتور ، المهندس ، المحاسب ، اى وظيفة لا تخضع لنظام الشركات والهيئات )

ب/ انواع الضرائب على الشركات في مصر :

اشهر انواع الضرائب علي الشركات في مصر :

1- ضريبة الارباح التجارية والصناعية :

ضريبة الارباح التجارية والصناعية هي الضريبة التي تدفعها الشركة علي ارباحها خلال السنة المالية  .

2- ضريبة المبيعات قديما او ضريبة القيمة المضافة بمسماها الجديد:

وهي من اشهر انواع الضرائب في مصر بل والعالم كافة ..وضريبة القيمة المضافة هي الضريبة التي تفرض علي المبيعات او الخدمات التي تقدمها الشركات علي اي سلع او خدمات تقدمها للعامة او لشركات اخرى ( هناك بعض السلع والخدمات التي يتم استثنائها من تطبيق ضريبةا لقيمة المضافة وتسمي السلع والخدمات المعفاة من ضريبة القيمة المضافة ولها قرارات خاصة بها).

3- ضريبة الخصم والاضافة (ضريبة الخصم من المنبع):

شرح ضريبة الخصم والاضافة :

قولنا سابقاً ان ضريبة المبيعات او القيمة المضافة : دى فلوس بتدفعها الشركة على مبيعاتها لصالح الدولة او الحكومة ، طب حد يقولى الشركة بتتحمل الضريبة دى وبتدفعها ؟، لا طبعا بتحملها على الزبون (العميل )، يعنى لو الشركة بتبيع حاجة ب 100ج والمفروض تدفع عليها ضريبة مبيعات 10% يعنى 10ج فتروح تبيع الحاجة دى ب110ج للزبون (ال100 +10) تاخد هى ال 100 ج وتدى 10ج لمصلحة الضرائب .
طب حد يسال بقى ويقول طب ممكن ياخد ال 110 ج من الزبون وياخدهم فى جيبه وميديش ال 10ج للضرايب ؟
اه طبعا وارد جدا انها تحصل وبكذا طريقة (وده بقى اسمه التهرب الضريبى  )ان الشركة بتتهرب من دفع الفلوس اللى عليها لصالح الحكومة او الدولة .
الدولة بقى شافت ان التهرب الضريبى زاد جدا وان شركات كتيييير مبتدفعش الضرايب اللى عليها وبتتهرب من دفع الفلوس علشان كدة ظهرت ( ضرائب الخصم من المنبع ) يعنى ضريبة الخصم من المنبع دى وسيلة استخدمتها الحكومة علشان تقلل التهرب من ضريبة المبيعات ، طب ازاى ؟
دلوقتى الحكومة (متمثلة فى مصلحة الضرائب) بتعرف مبيعات اى شركة عن طريق واحد بس (البيانات اللى بتقدمها الشركة للمصلحة اللى بتبين مبيعاتها )
(اللى هى بمعنى اصح فواتير البيع) وطبعا ممكن لو الشركة باعت ب1000 تقدم فواتير بس ب900 ومتقدمش ال 100 تقدم 90 بس(تخنصر10ج فى جيبها) فمصلحة الضرائب معتمدة على مصدر واحد (اللى هى فواتير الشركة اللى بتبيع) علشان كدة فى شركات كتير بتتهرب ، فمصلحة الضرايب عايزة مصدر تانى تقدر تحكم بيه مبيعات اى شركة ، (دلوقتى اى حركة بيع بيبقى ليها طرفين بايع ومشترى والمصلحة بتاخد فلوس من البايع (ضريبة المبيعات) وبتاخد البيانات اللى بتحدد البايع يدفع كام (من البايع برده) فقررت انها تاخد نفس البيانات بس من المشترى تطابقها ببيانات البايع علشان تحاسبه لو كان بيتهرب)

للمزيد من المعلومات عن ضريبة الخصم من المنبع ونسب الخصم من المنبع وكذلك النموذج الخاص بضريبة الخصم من المنبع

اضغط هنا