طريقة التقديم في البنك الاهلي المصري والتخصصات المطلوبة

وظائف البنك الاهلي المصري وطريقة التقديم في البنك الاهلي المصري وامتحانات البنك الاهلي المصري والتخصصات المطلوبة في البنك الاهلي المصري ...

وظائف البنك الاهلي المصري وطريقة التقديم في البنك الاهلي المصري وامتحانات البنك الاهلي المصري والتخصصات المطلوبة في البنك الاهلي المصري …

بعض الاسئلة واجابتها عن الوظائف المتاحة في البنك الاهلي وطريقة التقديم للوظائف المتاحة في البنك الاهلي المصري …
—————————————–
س : هو البنك الاهلي طالب وظائف حالياً ؟؟
ج : البنك الاهلي طالب ناس ( على مدار العام ) يعني التقديم متاح طول السنة .

س : هو البنك الاهلي بيطلب كلية تجارة بس ؟؟
ج : البنك الاهلي بيطلب جميع التخصصات ( تقريباً) تجارة وحقوق وهندسة وادارة ..بس الاكثر هما خريجي تجارة …انما عادي جدا بيكون مطلوب مهندسين اتصالات ومدني وعمارة ( عشان الفروع الجديدة ) وبيطلب ادارة واتش ار وبيطلب محامين وبيطلب سكرتارية …الخ يعني تقريبا كل التخصصات .

س : طيب اقدم في البنك الاهلي ازاي لو سمحت ؟
ج : التقديم في البنك من خلال موقع البنك الاهلي فقط لا غير من خلال الرابط دا ولجميع التخصصات :
https://www.nbe.com.eg/HRrec/Application/FreshGrad
——
س : انا خريج دفعة كذا …ينفع اقدم في البنك الاهلي ؟
ج : البنك بيطلب حديثي التخرج اخر 4 دفعات بخلاف دفعة السنة …يعني احنا في 2016 ..اخر اربع دفعات هما 2015 و 2014 و 2013 و 2012 بتتشال بعد فترة بسيطة من بداية 2016 ..بالاضافة لدفعة 2016 لما يخلصوا طبعا …
حاجة تانية …البنك عامل خاصة وانتا بتقدم بتلاقي بتلاقي السنوات المتاح التقديم ليها فقط ..يعني قايمة بيكون مكتوب فيها 2013 و 14و 15 …الخ وانتا مبتكتبش بايدك ..
—————
س : طيب انا دخلت وجيت اقدم وانا دفعة 2011 ..والدفعات المتاحة حاليا 13 و 14 ..الخ ..اعمل اية ؟
ج : تقدر تقدم في لينك الخبرات من خلال الرابط دا :
https://www.nbe.com.eg/HRrec/Application/Experienced
———
س : يعني ممكن البنك يبعتلي لو انا قدمت في الخبرات ؟
ج : لو انتا عندك خبرات بنكية ( اشتغلت في بنوك يعني قبل كدا ) ..ممكن يكون ليك فرصة يبعتولك لو محتاجين …لو مشتغلتش قبل كدا في بنك ..بيكون صعب شوية لان البنك بيطلب حديث تخرج فقط او اللي عندهم خبرات سابقة في المجال البنكي …
————–
س : طيب انا جايب مقبول …ينفع اقدم ولا لأ ؟
ج : البنك بيطلب تقدير جيد فما فوق ..لكن ينفع تقدم برضو عادي ..بس بتشتغل على قوة شركة خارجية ..وبتشتغل كول سنتر ..يعني مبتكنش شغال علي قوة البنك الاهلي ..بتكون شغال في شركة تانية وشغلك بيكون كول سنتر …
————–
س : طيب انا قدمت خلاص من شوية ولسة مبعتوليش وانا قلقان !! ؟؟
ج : طالما مستوفي الشروط هيبعتولك …بس طبعا مش في نفس الوقت وممكن يتأخروا عليك عادي جدا ..لأنهم بيبعتوا حساب احتياجات الفروع …يعني مثلا في 300 فرع ..في اكتر من مكان ..بيشوفوا الفرع اللي محتاج بشكل عاجل وبيبعتوا للناس اللي في نفس المنطقة الاول ..وتباعا حسب احتياجات باقي الفروع …
————
س : انا مقدم من فترة كبيرة جدا ومبعتوليش برضو ..؟
ج : ياما انت مش مستوفي الشروط ..ياما كتبت رقم موبايلك غلط ..ياما هما مش محتاجين في منطقتك .
————-
س : طيب انا قدمت من فترة وعايز اعدل بياناتي ورقم الموبايل ؟
ج : وانتا بتقدم في اخر خطوة بيظهرلك رقم التقديم ( الريفرنس نمبر ) او الرقم المرجعي …تدخل على اللينك دا
https://www.nbe.com.eg/HRrec/CandidateDataEdit
——–
س : انا دخلت اعدل بياناتي ومش عارف اضيف الكورسات ولا اعدل الابلكيشن كلو ؟
ج : للاسف متقدرش تعدل غير ( رقم الموبايل و سنة التخرج و التقدير ) فقط لا غير .
————-
س : انا اخدت كورسات وعايز اضيفها في الابلكيشن ؟
ج : البنك بيشترط بشكل اساسي انك تكون جايب جيد فما فوق وسنة التخرج بتعتك متاحة وانتا بتقدم بالاضافة الى الانجليزي ..وبالتالي مش هتفرق كتير الكورسات ..وللأسف البنك مش عامل انك تقدر تعدل وتضيف كورسات حتى وإن كانت مهمة ..
————-
س : طيب انا قدمت والرقم المرجعي ضاع مني ومش عارف اعمل اية ؟
ج : هتاخد البطاقة بتعتك وتروح شخصيا الفرع الرئيسي للبنك في القاهرة ( كورنيش النيل ) وهتروح وهيدولك الرقم المرجعي .

تحديث : البنك اضاف خاصية استرجاع الرقم المرجعي لمن فقده من خلال هذا الرابط

https://www.nbe.com.eg/HRrec/ForgetRefNumber
————
س : طيب انا قدمت وبعتولي رسالة بمعاد الامتحان ..اعمل اية ؟؟
ج : بسيطة جدا ..الجروب دا كلو معمول عشان كدا ..فحضرتك هتتعب نفسك بس وهتلف لفة كدا هتلاقي الشباب هنا مش مقصرين وهتلاقي كل واحد كاتب الاسئلة وكل حاجة …والحمد لله خلال التلت سنين اللي فاتوا ..95% من المعينين الجدد في البنك الاهلي وبنك مصر كمان ..من هنا من الجروب ..وهتلاقي الامتحانات كلها والاسئلة كلها هنا في الجروب ..والملفات كمان هتلاقيها هنا علي اللينك دا :
https://www.facebook.com/groups/BankAhliyouth/files/
——————
س : طيب انا جتلي رسالة من البنك ومشفتهاش أو مقدرتش اروح ..الخ ..هيبعتولي تاني ولا خلاص :
ج : عادي بيبعتولك تاني لما بيرجعوا يبعتوا للناس اللي في منطقتك او بيحتاجوا من المنطقة بتعتك بشكل عام …وعادي ممكن يتأخروا كتير ممكن توصل سنة …
———————
س : اية هي الامتحانات في البنك الاهلي ؟
ج : مفروض بيكون فيرست تيست ..وبعدين سكند ..وبعدين تكتنكال ..وبعدين كشف طبي ..وبعدين امني ..وبعدين تعيين …
ومش عايز احط اجابة محددة لطبيعة الامتحانات او عددها حتى ..لأن البنك كل فترة بيغير سواء الاسئلة او الطريقة …وعشان كدا تابعوا الجروب هنا كويس جدا ..الناس صراحة مشكورين مش بيقصروا انهم يفيدوا اي حد جديد بيسأل عن حاجة ..
لينك الجروب : https://www.facebook.com/groups/BankAhliyouth
——————————
——————————
اللي عنده سؤال يقدر يضيفة في الكومنتس بحيث نضيفة في البوست مع الاجابة ويكون البوست دا مرجع للناس كلها..
متنسوش تعملو منشن لزمايلكم …
Hossam Elgharabawy​

17٬858 views